Nakaraan…
Abot hanggang tenga ang ngiti ni Nold sa
kanyang mukha dahil sa wakas ay siya na ang pipirma sa attendance notebook.
Sa wakas ay makikilala na niya ang kanilang
class secretary.
Ngunit biglang dumating ang teacher nila sa
kasunod na subject at bago pa man siya naka-usal ng anumang kataga ay nagsalita
ang classmate niya ng…
“sulat mo name mo tapos sign ka tapos pasa mo
sa sunod sayo. Okay…”
Pagpapatuloy…
Tapos sabay
talikod at alis!
Kainis!
Natulala lang ako at hindi na nakapagsalita sa sobrang paghanga sa napakagandang babaeng ito, at ang
masama pa nyan eh hindi ko nagawang itanong man lang ang pangalan nya!
Bobo! Tanga!
Sabi ko sa sarili ko.
Ayan na nga sa harapan
mo wala ka pang nagawa!
Haayyy! Buntong
hininga ko sa panghihinayang sa nawalang pagkakataon.
Grabe, perfect talaga,
nakatalikod na yan pero malalaman mo pa rin na maganda kapag hinarap ka na nya.
Banggit ko sa sarili ko habang minamasdan parin siya mula sa aking
kinapupuwestuhan.
Hindi matanggal ang
ngiti sa labi ko habang inaalala ko ang mga salitang sinabi nya sa akin kanina.
Lalo na yung napakatamis na ngiti nya, para akong lumulutang sa hangin.
Aba teka!
Parang tinatawag nya
yata ako?
Hoy!…
HOY!…
Hoy! MISTER!…
Aba at tumatawa pa
yata siya?
Hahahahaha!………
Teka…
Bakit ganun? Parang
magkasabay yata yung pagtawa nya at pagtawag ng hoy sa akin ah?…
Pare ano kaba?…
Umupo kana!…
Nold! GISING!…
Boses ni Vin iyon ah!…
Nakupo! Nangangarap
pala ako ng gising!
Grabe! Nakatayo pala
ako, tulala, habang nakangiti at nakatingin sa direksyon kung saan nakaupo ang
babaeng talaga namang pumukaw sa aking katinuan.
Yung kaninang
tumatawag sa akin ng “HOY! MISTER!” ay ang teacher na pala namin sa second
subject na ngayon ang akala pa yata ay autistic ako?
At yung tumatawa ay
mga classmate ko pala! Kaya naman pala parang ang dami nung mga boses na
naririnig kong tumatawa.
BADTRIP!
First day in 2nd year
high school eh kahihiyan agad ang inabot ko.
Anak ng pating!
Eh ni hindi ko man
lang pala nagawang umupo magisa sa pananaginip ko ng gising.
“TOTAL DAYDREAM
PARALISYS”
Yan ang nangyari sa
akin.
Bago pa man ako
manliit sa kahihiyan ay hinila na ako ni Rol sa braso pababa para tuluyan na
akong mapaupo. Sa ginawang yun ni Rol ay tuluyan na akong bumalik sa reality.
Okay ka lang ba brod?
Tanong ni Vin sa akin.
Pre ano bang nagyari
sayo?
Pahabol naman ni Rol?
Pare, tinamaan ako ng
lintik! Parang kidlat!
Sagot ko sa kanila.
Kanino pre? Dun sa
math secretary?
Tanong ni Vin sa akin,
sabay nguso sa babaeng tinutukoy nya.
Ngayon mga pre naniniwala
na ako sa love at first sight!
Sambit ko sa kanilang
dalawa.
Sige loverboy
mangarap kapa! Pero bago ang lahat ay akin na yang attendance notebook at ng
makapirma rin ako! Sabay agaw ni Vin sa notebook na kanina ko pang hawak.
Oy! eh hindi kapa
nakakapirma dito ah?
Sambit ni Vin.
Hala!
Talagang napraning na
yata talaga ako sa math secretary namin, biruin mo eh kanina ko pa hawak ang
attendance notebook eh di parin pala ako nakaka pirma dun.
Ako ang huling pipirma
para ko ang magsosoli!
Palusot ko naman agad
sa kanya.
Naks talaga! Sige
goodluck na lang!
Sagot ni Vin.
Kaya naman tiniyak ko
na ako nga ang huling hahawak ng notebook na iyon para ako nga ang makapagsoli
nun sa kanya atsaka siyempre para makapirma ako ng attendance kasi nga hindi ko
nagawa kanina.
So ganun nga, ng
matapos pumirma yung nasa pinaka dulo ay ako na ang lumapit sa classmate naming
iyon para kunin ang attendance notebook. Sakto pa nga’t tatayo na sana siya
para isoli ang attendance notebook ng pigilan ko agad siya...
Classmate! Teka!
Di pa ako nakakapirma
dyan!
Tapos lapit agad sa
kanya para kunin ang attendance notebook. Bago pa man ako pumirma ay tinignan
at binasa ko na muna iyong pangalan na pinakaunang nakasulat dun, siyempre sino
pa ba ang unang pipirma sa attendance notebook kundi yung may-ari nun! At sino
ang may-ari? Siyempre ang aming math secretary!
“RUBY MATAPAT”
Yan ang pangalan na
nakasulat.
Mukang alanganin yata
para sa kagandahan nya ang pangalan nya ah? Di bale na, basta para sa akin ayos
na yun. Ang importante ay alam ko na ang pangalan nya.
Pero di ko alam na medyo
napalakas pala yung pagsasalita ko ng pigilin ko yung classmate ko na magsosoli
sana nung attendance notebook namin. Narinig at nakita pala ako ng teacher
namin sa second subject, eh masungit pala! Hayun! Kinuha sa akin ang attendance
notebook.
Hindi na nga ako
nakapirma ng attendance, pinatayo pa ako sa tabi ng trash can!
Kainis!….
Kapag minamalas ka nga
naman!
Sabi nga sa kasabihan:
“WHEN IT RAINS! IT POURS!”…
Kaya lang lasma ang
pumatak sa akin kaya eto binagyo na yata ako!
Hayun hanggang tingin
na lang ako habang kinukuha ng crush ko yung attendance notebook sa teacher
naming masungit!
Pero laking galak ko
ng lumingon siya sa akin at sabay ngiti!
Hayyyy…. Tanggal ang
lahat ng problema ko dun ah!
Ewan ko kung yun ba ay
ngiti ng pagbati o baka naman natatawa lang siya dahil sa nangyari sa akin. Eh
basta! Wala na akong pakialam dun! Ang mahalaga nginitian nya ako!
Kung ganyan ba naman
lagi eh kahit na araw-araw pa akong patayuin ng masungit kong teacher eh ayos
lang sa akin.
Ng malapit ng matapos
ang second subject namin ay tinablan na rin yata ng awa ang teacher ko at
inutusan na kong umupo.
“Okay Mr. Rosario, you
can take your seat now!”
Sabi nyang ganun tapos
ay tumayo na rin siya inayos ang gamit at…
“Class, I’ll see you
tomorrow…”
Goodbye Maam… Sabi
naman ng mga classmates ko.
Hinilot-hilot ko muna
ang mga hita at binti ko bago ako tuluyang umalis sa kinatatayuan ko. Siyempre
pa ay dun ako dumaan sa harapan para sa isa pang pagkakataon na masulyapan
siya.
Naiisip ko pa rin ang
mga matatamis na ngiti nya sa akin habang papalapit ako sa kanya.
Hay… Ruby Matapat…
Sana balang araw
maging tayo! Kahit hindi na kita makatuluyan sa altar, maging girlfriend lang
kita, kahit isang araw lang okay na sa akin yun. Masaya na ko dun. Eh ngiti mo
pa lang nga solve na ako, yun pa kayang maging girlfriend kita! Eh para na
akong nanalo ng jackpot sa lotto nun ah!
So dumaan nga ako sa
harapan nya na ready para gantihan siya ng isa ring ngiti kaya lang mukang
hindi nya yata ako napansin kasi ni hindi man lang siya natinag sa pagsusulat
nya ng lecture. Baka nga kasi busy lang siya sa pagsusulat kaya ganun.
Wala eh, kaya diretso
na lang ako sa upuan ko para mangulit este para magtanong tanong kung ano ang
isinulat nila sabay siyempre paghiram narin ng lectrure notebook
para makapagsulat ako sa bahay.
Pre! Kamusta ang
ambience dun?
Nangaasar na tanong ni
Vin sa akin na may kasamang ngisi.
Syempre badtrip! Pero
at least pre nakita nyo naman ha, nginitian nya ako diba?!
Sabay nguso ko sa
crush ko.
Isang kanta naman ang
isinagot ni Vin sa akin.
“Mangarap ka…”
“Mangarap ka…”
Di ako nagbibiro mga
brod! Talagang nginitian nya ako!
Di ba Rol?
Tanong ko kay Rol.
Ha? Ah… eh… siguro?…
Nagaalangan na sagot
ni Rol.
Naku naman tol bat di
kapa sumakay?
Sagot ko sa kanya.
Natapos ang umagang
iyon ng ganun-ganon na lang at paminsan minsan ay lumalakad ako sa harapan para
lang masulyapan ang kagandahan kanya ay tinataglay. Dun kasi siya sa harapan
nakaupo. 1st row at puro sila babae dun.
Ewan ko pero kahit
nung nasa elementary pa lang ako ay para bang gustong-gusto ng mga babae na sa
harapan o malapit sa harapan sila umupo kapag ang klase ay walang seating
arrangement, nagtataka lang ako, ito kaya ay para mapatunayang mas masipag silang
mag-aral kesa sa aming mga lalake na ang paborito namang pwesto ay ang likuran.
Pero parang mali yata
ang pwesto nya kasi malapit sila sa blackboard kaya sagap nya ang lahat ng
chalk dust. Masama pa naman sa kalusugan yun! Kawawa naman ang crush ko. Dapat
dito na lang siya sa tabi ko.
Lunch break.
Dun kami ni Rol kumain
sa carinderia ng tita niya. Ayos dito! Dos lang ang isang order ng kanin, ang
ulam naman mura at masarap. Seven pesos lang ang jumbo hotdog, ang ulam hindi
lalagpas sa kinse ang presyo at pwede ring kalahating order lang, POP Cola
kwatro lang! Solve!
Habang nainom kami ng
POP ay binanggit ko kay Rol ang tungkol sa crush ko.
Tol! Ang ganda nung
secretary natin sa Math!
Pre! Crush ko siya.
Bigkas ko sa kanya.
Tumahimik muna siya ng
mga isang minuto tapos ay inubos ang natitirang POP nya tapos ay sinabi nyang…
Namo Nold!
Crush ko rin nung
elementary yun!
Itutuloy...
